Ataatsimiititalianut tunngasut
Folketingimi ilaasortat Folketingip inersuaani politikki oqallisigisarpaat. Tassani aamma inatsisissatut siunnersuut akuerineqassanersoq inatsisinngortinneqassanersorlu taasissutigisarpaat. Folketingilli ataatsimiititaliaani aalajangigassat piareersarneqartarput.
Sulisoqarnermut ataatsimiititaliaq
Ineqarnermut ataatsimiititaliaq
Meeqqanut atuarfeqarnermullu ataatsimiititaliaq
Nappaalaneqarneranut ataatsimiititaliaq
Inuussutissarsiornermut ataatsimiititaliaq
Europamut ataatsimiititaliaq
Aningaasaqarnermut ataatsimiititaliaq
Illersornissamut, inuiaqatigiinni isumannaallisaanermut aamma upalungaarsimanermut taatsimiititaliaq
Misissuinermut ataatsimiititaliaq
Naalagaaffimmi innuttaasutut pisinnaatitaanermut ataatsimiititaliaq
Naalagaaffiup iluanut ataatsimiititaliaq
Silap pissusianut, nukissiuuteqarnermut aamma pilersuinermut ataatsimiititaliaq
Ilagiinnut ataatsimiititaliaq
Kultureqarnermut ataatsimiititaliaq
Naligiissitaanermut ataatsimiititaliaq
Avatangiisinut inuussutissaqarnermullu ataatsimiititaliaq
§ 71-imik nakkutilliineq
Eqqartuussiveqarnermut ataatsimiititaliaq
Akileraartarnermut ataatsimiititaliaq
Isumaginninnermut ataatsimiititaliaq
Peqqissutsimut ataatsimiititaliaq
Angallannermut ataatsimiititaliaq
Ilinniartitaanermut ilisimatusarnermullu ataatsimiititaliaq
Nunanut allanut ataatsimiititaliaq
Nunani allamiunut akuutitsilernissamullu ataatsimiititaliaq
Digitaliseriinermut IT-mullu ataatsimiititaliaq
Suleriaatsimut ataatsimiititaliaq
Nunap immikkoortuinut qeqertanullu ataatsimiititaliaq
Qeqertaaqqanut ataatsimiititaliaq
Qinersinermik misiliinissamut ataatsimiititaliaq
Qinigaanerup misilinneqarnissaanut ataatsimiititaliaq
Ileqqussaasunik siunnersuisoqatigiit pillugit ataatsimiititaliaq
Naalagaaffiup isertortumik paasiniaasui pillugit ataatsimiititaliaq
Utoqqarnut ataatsimiititaliaq
Ataatsimiititaliat ima sulisarput
Ataatsimiititaliat tamarmik immikkut politikkikkut suliassaqarput. Tassa imaappoq ataatsimiititaliap inatsisissatut siunnersuutit aalajangigassallu tamarmik suliarisarpai, susassaqarfigisallu iluani politikkikkut nakkutilliineq ingerlattarlugu. Ass. isumaginninnermi ataatsimiititaliap isumaginninnermi inatsisissatut aalajangiinissanullu siunnersuutit tamaasa nalilersortarpai. Ataatsimiititaliami ilaasortat aamma isumaginninnerup iluani ineriartorneq malinnaavigaat, taamaalillutillu naalakkersuisuni misissuinissamut piareersimasarlutik.
Ataatsimiititaliami allakkiat amerlanersaat tamanut saqqummiunneqartarput
Allakkiat ataatsimiititaliap suliaanut attuumassutillit amerlanersaat tamanut saqqummiunneqarput. Immikkut ittumik pisoqartillugu allakkiat isertortuusarput, ass. suliat inummut tunngasut imaluunniit suliat/apeqqutit innuttaasuni isumannaallisaanermut pingaarutillit isertuunneqartarlutik.
Ataatsimiititaliat tamarmik immikkut ministeriaqarfeqarput
Ataatsimiititaliami suliassaqarfiit ataasiakkaat ministereqarfiit suliassaqarfiinut nalinginnaasumik naapertuuttarput. Ass. akileraartarnermut ataatsimiititaliap Akileraartarnermut Ministeriaqarfik immikkut ministeriaqarfigaa, ataatsimiititaliallu - soorlu taaguutaani tamanna ersertoq - akileraartarnermut tunngasunik suliaqartarpoq, aqqartuussisarnermullu ataatsimiititaliaq eqqartuussiveqarnermut politiinullu tunngasunik suliaqartarluni, Inatsiseqarnermullu Ministeriaqarfik immikkut ministeriaqarfigalugu.
Partiit annertussuseq tunngavigalugu sinniisuutitaqartarput
Aallaavittut folketingimi suleqatigiit eqimattat ataasiakkaat annertussuseq tunngavigalugu ataatsimiititaliani sinniisuutitaqartarput, ataatsimiititalialli ataatsimoortinneqassagaangata partiit amerlanertigut ataatsimoorlutik qinerseqatigiittarput, ataatsimiititaliani sapinngisamik amerlanerpaanik inissaqartitsiniarlutik.
Folketingimi ilaasortat tamarmik – ilaasortat ministeriusut minillugit – ataatsimiititaliani minnerpaamik ataatsimi amerlanertigullu 3-5-ini ilaasortaasarput. Partiini minnerusuni ilaasortat, partiinut angisuunut naleqqiullugu ataatsimiititaliani amerlanerusuni ilaasortaasarput.
Ataatsimiititaliap siulittaasua siulittaasullu tullersortaa ataatsimiititaliamit qinerneqartarput. Aallaavittut ataatsimiititalianut ataasiakkaanut atorfillit marluk, Folketingip allaffeqarfianiittunit atassuserneqartarput - ataatsimiititaliap allattaa aamma ataatsimiititaliami ikiorti.
Ataatsimiititaliat sapaatip-akunneranut ataatsimiittarput
Folketingimi ataatsimiinnissamut piffissaliussami ataatsimiititaliat amerlanersaat sapaatit-akunneri tamakkiallugit, piffissami aalajangersimasumi ataatsimiittarput.
Ataatsimiititaliat ataatsimiinneri nalinginnaasumik matoqqasuusarput, ataatsimiititalialli aamma arlaleriarlutik ammasumik ataatsimiittarput, ft.dk-kkut Folketingillu tv-kanaliatigut toqqaannartumik aallakaatinneqartartunik. Ass. ataatsimiititaliat tamanut ammasumik isumasioqatigiittarput. Isumasioqatigiinnerni ministeri sammisamut nassuiaassinissamut, ataatsimiititaliamilu ilaasortat sammisaq pillugu apeqqutaannik akissuteqarnissamut aggersarneqartarpoq. Tamanut ammasumik isumasioqatigiittoqassagaangat sammisaq, piffissaq, sumiiffik nalunaarfissarlu ft.dk-mi saqqummiunneqartarput.
Ataatsimiititaliat aalajangersimasunik suliassaqarput akisussaaffeqarlutillu
Ataatsimiititaliat inatsisissatut aalajangiiffigisassatullu siunnersuutit suliarisarpaat
Ataatsimiititaliat susassaqarfimminni inatsisissatut siunnersuutit aalajangigassallu tamarmik suliarisarpaat. Inatsisissatut aalajangiiffigisassatullu siunnersuutit aappassaaneerneqartussat pillugit ataatsimiititaliaq isumaliutissiissusiortarpoq, tassaasoq ataatsimiititaliap suliaanik nalunaarusiaq.
Isumaliutissiissut ukuninnga imaqartarpoq:
- partiit inatsisissatut imaluunniit aalajangiiffigisassatut siunnersuummut piumasaat - partiit ataasiakkaat qanoq qinersiumaarnerat
- politikkikkut oqaaseqaatit (peqarpat) – partiit qanoq qinersinissaminnik tunngavilersuuteqarnissaminnut periarfissaqartarput
- allannguutissanut siunnersuutit (peqarpat) – inatsisissatut imaluunniit aalajangiiffigisassatut siunnersuummi allanneqarsimasumi allannguutissatut siunnersuutit
Ataatsimiititaliat naalakkersuisunik nakkutiginnittarput
Folketingi naalakkersuisunik nakkutiginnittarpoq - tamanna aamma taaneqartarpoq inatsisartoqarnermik nakkutilliineq. Tamakkiisumik isigalugu inatsisit qanoq atuutilersinneqarnerat naalakkersuisullu politikkimik, Folketingimi amerlanerussuteqartunit tapersersorneqartumik ingerlatsinersut Folketingimit nakkutigineqartarpoq.
Ilaatigut ministerinut apeqquteqarnikkut naalakkersuisunik nakkutilliisoqartarpoq. Ataatsimiititaliat apeqquteqarsinnaapput allakkatigut oqaatsitigulluunniit akisassanik. Ataatsimiititaliami apeqqut oqaatsitigut akissuteqarfigineqartussaagaangat siunersioqatigiinnermik taaneqartarpoq, siunersioqatigiinnerup nalaani ministerimit apeqqut akineqartarmat.