Kommuninut nunallu immikkoortuinut qinersineq

Kommunini nunallu immikkoortuini qinersisarneq aqqutigalugu sumiiffinni qinersisartut politikkikkut aalajangikkanut sunniuteqaqataasinnaapput.

Større

Danmarki kommuninut 98-inut nunallu immikkoortuinut tallimanut agguarneqarsimavoq. Kommunalbestyrelsit kommuninik aqutsisuupput. Nunap immikkoortuini siunnersuisoqatigiit nunap immikkoortuini aqutsisuupput.

Ukiut sisamakkaarlugit kommunalbestyrelsinut nunallu immikkoortuini ilaasortassanik qinersisoqartarpoq. Qinersinerit ataatsikkut ingerlanneqartarput. Novembarip pingajuanni marlunngornermi tamanna pisarpoq.

Kommunalbestyrelsimi suliassat

Kommunalbestyrelsip suliassaraa borgmesterimik qinersinissaq kommunimilu ingerlatsinissaq. Kommunit ilaatigut akisussaaffigaat:

  • meeqqat atuarfii
  • utoqqarnik kiffartuussineq
  • akuulersitsineq
  • pinngortitaq
  • avatangiisit
  • sumiiffimmi aqquserngit attaveqarfii

Kommunalbestyrelsini ilaasortat amerlassusiat kommunip angissusia apeqqutaatillugu assigiinngisitaarput.

Nunap immikkoortuini siunnersuisoqatigiit suliassaat

Nunap immikkoortuini siunnersuisoqatigiit ilaatigut akisussaaffigaat:

  • napparsimmaviit
  • psykiatrii
  • nakorsat namminersortut nakorsallu immikkut ilisimasallit
  • takornariaqarneq
  • kulturi
  • pinngortitaq
  • avatangiisit
  • suliffissaqarneq

Nunap immikkoortuini siunnersuisoqatigiit tallimaasut tamarmik immikkut 41-nik ilaasortaqarput.

Kommunimut nunallu immikkoortuinut qinersinermi qinersisinnaatitaasoq 18-ileereersimassaaq, kommunimilu (kommunimut qinersinermi) imaluunniit aalajangersimasumik nunap immikkoortuani (nunap immikkoortuinut qinersinermi) najugaqarluni. Tamatuma saniatigut ukua arlaat atuuppoq:

  • Danmarkimi innuttaassuseqassaaq
  • EU-mi nunat allat ilaanni innuttaassuseqassaaq
  • Islandimi Norgemiluunniit innuttaassuseqassaaq
  • ulloq qinersivissaq sioqqullugu ukiuni kingullerni sisamani ataavartumik Danmarkimi najugaqarsimassaaq

Kommunimut nunallu immikkoortuinut qinersisinnaassusilik aamma qinigassanngortissinnaavoq.

Kisimiillutik, partiimut imaluunniit sumiiffimmi qinigassanngortittut allattorsimaffini nalunaarsorneqarsimaneq apeqqutaatinnagu, kommunimut nunallu immikkoortuinut qinigassanngortittut allattorsimaffiannut ilannguttuaannassapput.

Qinigassanngortinniaraanni aallaavittut qinersisartut (qinigassanngortittut) aalajangersimasumik amerlassusillit atsiorneri katersorneqarsimassapput. Kommunini amerlanerni atsiornerit ikinn. 25-t katersorneqassapput, illoqarfinnilu annerni amerlanerit.

Kommunalbestyrelsimut nunallu immikkoortuini siunnersuisoqatigiinnut ilaasortaasinnaatitaaneq annaaneqarsinnaavoq. Aallaavittut pineqaatissinneqarsimagaanni imaluunniit ingerlatitsisinnaanermut allagartaq arsaarinnissutaasimappat ilaasortaasinnaatitaaneq annaaneqassaaq.