Innuttaasunik taasisitsinerit
Ilaatigut innuttaasunik taasisitsinikkut, politikerit nunap qinersisartuinut tamanut politikkikkut aalajangiinissamut toqqaannartumik peqataatitsisussaapput imaluunniit peqataatitsisinnaapput.
Innuttaasunik taasisitsinerit unioqqutinneqartussaanngitsut
Pisuni ataani allasimasuni nunap innuttaasui - politikeriunngitsut - kingullertut aalajangiisuusarput:
- inatsit tunngaviusumi allannguinermi
- qinersisinnaanermut ukiup allanngortinneqarnerani
- oqartussaassuseqarfinnik annaasaqarnermi
- inatsisissatut siunnersuut, folketingimi ilaasortat amerlanerusut kissaatigippassuk innuttaasunut saqqummiunneqassasoq
- nunat tamalaat akornanni isumaqatigiissuteqarnerit ilaanni
Qulaani taaneqartut pillugu taasisitsinerit inerneri unioqqutinneqartussaanngillat.
Missingersuutitut innuttaasunik taasisitsinerit
Folketingi qaqugukkulluunniit missingersuutitut innuttaasunik taasititsinissamut aalajangiisinnaavoq. Taamaattoqartillugu Folketingip qinersisartut isumaat tusarniartarpai. Innuttaasunik taasisitsinerup inerneri missingersuutitut atorneqartarput; tassa politikerit qinersisartut aalajangiinerannik malinninnissaminnut pisussaaffeqanngillat.