Europaparlamentimut qinersineq

Europaparlamentimut qinersinermi, kikkut Danmarkimit EU-mi sinniisuussanersut qinerneqartarput.

Color image of some people voting in some polling booths at a voting station - Fotograf ©bizoo_n - stock.adobe.com
Større

Europa-Parlamenti tassaavoq EU-mi qinikkat katersuuttarfiat. Tassani inatsisit EU-mi nunat ilaasortat tamarmik malitassaat akuersissutigineqartarput.

Ukiut tallimakkaarlugit Europa-Parlamentimut qinersisoqartarpoq. Nunani ilaasortani tamani qinersinissaq piffissap sivikitsup iluani pisussaq qaquguussanersoq EU-p aalajangertarpaa.

Europa-Parlamentimi ilaasortat 14-it Danmarkimeersuupput.

18-ileereersimagaanni Europa-Parlamentimut qinersisoqarsinnaavoq, aamma:

  • Danmarkimi innuttaassuseqassaaq aalajangersimasumillu Danmarkimi imaluunniit EU-mi nunat allat ilaanni najugaqarluni
  • EU-mi nunat allat ilaanni innuttaassuseqassaaq aalajangersimasumillu Danmarkimipigi najugaqarluni

EU-mi nunami najugaqarfigisami, imaluunniit EU-mi nunami innuttaassuseqarfigisami qinersinissaq nammineq aalajangerneqassaaq. EU-mi nunami ataatsimi taamaallaat qinersisoqarsinnaavoq.

Savalimmiut Kalaallit Nunaallu EU-mut ilaanngillat. Taamaattumik Savalimmiuni Kalaallit Nunaanniluunniit najugaqaraanni  Europa-Parlamentimut qinersisoqarsinnaanngilaq. Europa-Parlamentimut qinersinermi Savalimmiormiut kalaallillu Danmarkimi najugallit qinersisinnaapput.

Europa-Parlamentimi qinersisinnaanermut piumasaqaatit naammassisinnaagaanni Europa-Parlamentimut qinigassanngortittoqarsinnaavoq. Pineqaatissinneqarsimagaannili inuiaqatigiillu isaanni Europa-Parlamentimut ilaasortaanissamut ajukkunnartutut nalilerneqarsimagaanni ilaasortaasoqarsinnaanngilaq. Folketingip aalajangissavaa qinigaasimasoq ilaasortaasinnaanersoq.