Folketingimi ilaasortat ministeriunngitsut atorfimminnik aningaasatigullu soqutigisaminnik atorfiit allattorsimaffiannut nalunaarsuissapput.

Allattorsimaffiup siunertaraa folketingimi ilaasortat ataasiakkaat atorfii aningaasaqarnikkullu soqutigisaat pillugit avammut ammanerunissaq.

Atorfiit aningaasatigullu soqutigisat nalunaarsorneqartussat tassaapput:

• Isertitat (ass. siulersuisuni akissarsiaqarluni atorfik, akissarsiaqarluni atorfik imaluunniit nammineq suliffeqarfik)
• Tunissutit, angalanerit aamma aningaasatigut tapiissutit (ass. tunissutit 3000 koruunit sinnerlugit nalillit, angalanerit naalagaaffiup aningaasaataanik ilaatigut matussuserneqartut imaluunniit aningaasatigut tapiissutit suulluunniit 3000 koruunit sinnerlugit nalillit)
• Pigisat (ass. piginneqatigiiffinni soqutigisat 75.000 koruunit sinnerlugit nalillit imaluunniit siornatigut imaluunniit siunissami sulisitsisunut aningaasaqarnikkut isumaqatigiissutit)

Allattorsimaffiit Folketingip nittartagaani saqqummiunneqartarput. Folketingimi ilaasortat nalunaarsuisimanngitsut aamma allattorsimaffimmi saqqummiunneqartarput. Ministeriusut atorfiit allattorsimaffianni aamma nalunaarsorneqarnissaminnik periarfissaqarput.