Folketingip Ombudsmandia
Folketingip Ombudsmandiata pisortat ingerlatsiviisa iluani oqartussaasut pillugit naammagittaalliuutit suliarisarpai.
Folketingip ombudsmandia tassaavoq Folketingip ataani atorfeqarfik. Ombudsmandip sulinera ombudsmandi pillugu inatsimmi aalajangersarneqarpoq, pisortallu ingerlatsivianni nakkutilliinermut ilaalluni.
Ombudsmandip suliassai pingaarnerit tassaapput:
- pisortat oqartussaaffii pillugit naammagittaalliuutit suliarinissaat
- oqartussaqarfimmi aqutsinermik misissueqqissaarnissamut suliniuteqarnissaq
- innuttaasut sivikinnerusumik sivisunerusumilluunniit najugaqarfigisaannik nakkutilliinissaq – ass. parnaarussivinni, ulloq unnuarlu paaqqinnittarfinni aamma tarnikkut isumaginninnermut najugaqarfinni il.il.
Ombudsmandi aamma meeqqanut allaffeqarpoq, tassani pisortat ingerlatsiviini naammagittaalliuutit apeqqutillu meeqqanut tunngassuteqartut suliarineqartarput.
Ombudsmandip oqartussat isornartorsiorsinnaavai
Ombudsmandi isumaqaruni oqartussani kukkusoqarsimasoq, Ombudsmandi oqartussanik isornartorsiuisinnaavoq aalajangiinerullu allanngortinneqarnissaa siunertaralugu suliamik ammaaqqinnissamut innersuussilluni.
Oqartussat innersuussummik malinninnissaat Ombudsmandip piumasarisinnaanngilaa. Amerlanertigulli taamaaliortarput.
Folketingi Ombudsmandimik toqqaasarput
Ombudsmandi inatsisilerituujuvoq Folketingimiillu toqqagaasarluni. Ombudsmandi qanoq akissarsitinneqassanersoq folketingimit aamma aalajangerneqartarpoq.
Ombudsmandi Danmarkimi Folketingimut atassuteqanngilaq
Ombudsmandi naalagaaffimmik, kommunimik pisortallu oqartussaaffiinik allanik nakkutilliinermi Folketingimut atassuteqanngilaq.
Suliat sorliit ombudsmandip misissugassarinerai Folketingimit Naalakkersuisulluunniit aalajangerneqarsinnaanngillat.