Folketingi Atlantikup Avannaamiunut nittartakkanik saqqummersitsivoq
Folketingi ullumikkut Folkeingip nittartagaanik kalaallisut aamma savalimmiormiutut allassimasumik saqqummersitsivoq. Folketingi saqqummersitsinikkut naalagaaffeqatigiinni oqaatsit pingasut akimorlugit paasisaqarsinnaanissamik pitsanngorsaanermik suliaqarnermi alloriaqqippoq.
Suliniut siammasissumut saaffiginnippoq, Kalaallit Nunaanni aamma Savalimmiuni innuttaasut kiisalu kalaallit aamma savalimmiormiut Danmarkimiittut ilanngullugit. Folketingi pillugu paasissutissat naalagaaffeqatigiit akimorlugit pissarsiarineqarsinnaanngornissaat suliniutip siunertaraa. Nittartakkat ineriartortinneqarneranik suliaqarnermi nittartakkat taakku marluk naleqquttuunissaat aamma pitsaasuunissaat qulakkeerniarlugu Kalaallit Nunaanni aamma Savalimmiuni oqartussat attuumassuteqartut peqataatinneqarput.
Nittartakkat ilaatigut makkununnga tunngasunik imaqarput:
- Naalagaaffeqatigiinnermi inuinnaat naalakkersueqataanerisa aamma Folketingip inissisimanerat
- Savalimmiut pillugit ataatsimiititaliap aamma Kalaallit Nunaat pillugu ataatsimiititaliap sulinerat, Nunanut Allanut Aalajangiisartoqatigiit sulinerat aamma Issittumi Aallartitat sulinerat
- Atlantikup Avannaanit ilaasortat video atorlugu ilisaritinneqarnerat
Folketingip Siulittaasoqarfiata 2023-p naanerani suliniummut aningaasaliisoqarnissaa aalajangiuppaa. Folketingimi Allattoqarfik nittartakkat nutaat ineriartortinneqarnerannik suliaqarpoq, siunissamilu ingerlanneqarnerannik suliaqassallutik.
Savalimmiormiut nittartagaat uani
folkatingid.dk alakkaruk
Kalaallit nittartagaat uani
folketingi.dk alakkaruk